آندھرا پردیش کانگریس کمیٹی اب محاسبہ میں !!!

حیدرآباد۔16جون(اعتماد نیوز) عام انتخابات میں بری طرح شکست کے بعد با الآخر آندھرا پردیش کانگریس کمیٹی خود محاسبہ شروع کرنے والی ہے۔ چنانچہ جاریہ ماہ کے 17یعنی کل وجئے واڑہ کے راما ورپادو چوراہ کے قریب واقع پری نیا فنکشن ہال میں صبح 10بجے تا دو پہر 4بجے تک



کانگریس پارٹی کے قائدین شکست کے وجوہات کا جائزہ لینگے۔ اس اجلاس میں آندھرا پردیش کانگریس کمیٹی کے قائدین کی شرکت کا امکان ہے۔ واضح رہے کہ اس مرتبہ آندھرا پردیش کے اسمبلی میں ایک بھی کانگریس پارٹی کا رکن اسمبلی منتخب نہیں ہوا۔ جو کہ کانگریس کی تاریخ ساز شکست ہے۔